انا مجريش كدة زى العنزة
ولا اطنش كدة زى ابو قردان
راسى من غير انفلونزا
طول السنة قاعد كسلان
******
لسة هقوم من تحت لحافى
وامشى لحد الشبشب حافى
وكمان اخد حمام دافى
واللبس واختار الالوان
******
لسه هروح للسفرة واغمس
طبق الجبنه وصحن مدمس
هتولى الشمس عشان اتشمس
انا مش رايح أى مكان
******
لسة هقزقز كيس اللب
وامسك ايدها واقعد احب
واكتب بكرة الزجلو كليب
لا دا كتيير فوق الامكان
******
انا قاعد عند الضليله
وهقضى اليوم هنا والليله
مش عايز دوشة وهليله
عن ااذنكم اصل انا نعسان
****
ليست هناك تعليقات:
إرسال تعليق